VALENTINE’S DAY LETTER

13 02 2013

Dear (insert name),

“Unang beses palang kitang nakita pinatibok mo na ang puso ko.” — Baduy ng linya na ito. Promise! So ano ka noong di mo pa siya nakikita remote control?

Hindi ito ang pangkaraniwang Valentine’s Day letter na matatanggap mo. Sinisigurado ko din na walang pambobola ang isinulat ko dito. Tanggap ko na rin kung mababadtrip ka lang sa mga mababasa mo.

Gusto ko lang malaman mo na ang sarap maging lalaki, hindi lang sa kailangan naming gumastos para sa Valentine’s day ang saya din na nagbibigay ng kung ano-ano sa girl. Ang sarap ng pakiramdam na mapapaalam mo sa babae na gusto mo siya, na mahal mo siya. Pero minsan iniisip ko na sana babae nalang ako, gusto ko din maranasan yung pakiramdam ng nabibigyan ng bulaklak, chocolate, letter, stuff toy at napkin

Sa mga nagsasabi sa iyo ng linyang “Ikaw ang rason ko kung bakit ako pumapasok sa school” ay sana ‘wag ka masyado maniwala. Gasgas na yang salitang yan, isa pa kaya sila pumapasok dahil kailangan at para magaral hindi lumandi!

Ang saya-saya ko noong nakilala kita, dati stalker lang ako sa twitter mo ngayon kinakausap mo na ako ng personal. Di ka mataba kaya ‘wag kang mag iinarte sa harap ng salamin, sana ‘wag mo din sabihin ang nakakairitang linyang “Ehhhhhhh tumataba na akoooooo!”

Maganda ka kapag bagong gising ka. Pero ‘wag mo naman sana ako kukuhanan ng litrato kapag natutulog ako. 

Kahit na galit sa iyo ang aso ko mahal pa rin kita. Kahit na nakakalimutan mong mag toothbrush kapag nagiinuman tayo, mahal parin kita. Kahit na laging mas mataas ang mga nakukuha mong grades sa akin sa school, mahal parin kita. Kahit na mabaho ang paa mo minsan, mahal parin kita. Kahit na lagi kang umiiyak dahil sa hirap ng mga ginagawa ninyo sa school, mahal parin kita. Kahit na inaasar mo ako kapag bagong gupit ako,  mahal parin kita. Kahit na sobrang sakit ng mga prank mo sa akin, mahal parin kita. Pero please lang ‘wag mo naman ako hampasin ng tabla. Okay?

Minsan di mo ako pinapansin, bigla ka nalang nagagalit ng di ko alam ang dahilan. Pero iniintindi kita, inaalam ko kung saan ba ako nagkamali. Minsan tinatanong mo pa ako ng kung ano ano pero hinuhuli mo lang pala ako. Pero di ako magsisinungaling sa iyo. Hindi na rin ako magsusugal dahil sinabi mo.

Ang relasyon sinusubok talaga yan ng mga problema, pero di ako magpapatalo kahit sumusuko ka na. Pipilitin ko paring ayusin ang nasisirang relasyon. Ayoko na isang araw nagbabalik tanaw nalang ako, magisa at malungkot sinasabi sa sarili “Sana hindi ko siya pinakawalan”.

Gusto ko lang malaman mo na kahit basag ka na at sobrang wasted na di ako mapapagod na buhatin ka papunta sa kama mo. Ang saya ko nga kapag sobrang pagod ka eh, kapag natutulog ka nag sasalita ka. 

Hindi ako mahihiya proud ako kasi yung girlfriend ko ugly duckling ang storya ng buhay niya. Sorry dahil kapag tinitignan ko mga pictures mo noong bata ka pa inaasar kita. Di ko lang kasi mapigilang tumawa eh, di nga ako makapaniwala na from baduy to fabulosa na ang dating mo ngayon.

Ang lalaki hindi dapat pinapaiyak ang babae, pero sorry sa mga panahon na umiiyak ka dahil sa akin. Sorry sa mga date natin na hindi ko sinipot at sorry kung minsan di ko naaalala ang mga importanteng araw gaya ng birthday ng goldfish mo at anniversary ng kulay ng gate ninyo dahil dati kulay black yun ngayon blue na. Di naman kasi dapat tinatandaan yun diba? Pero kung importante talaga sa iyo sige ipagluluto ko ng pansit yung isda at gate mo.

Salamat sa laging pagsuporta sa akin. Salamat sa pagsama sa mga adventures ko. Salamat dahil game na game ka sa mga food trip ko. Salamat dahil tanggap mo ang pag ka weirdo ko. Salamat dahil naiintindihan mo ako kapag sinasabi kong gusto ko maging  superhero. Salamat dahil kahit wala akong abs tanggap mo ako.

Ikaw ang pinakamasayang nangyari sa buhay ko“, oops luma na pala yan. Ikaw ang mahal ko kahit mainggit pa sila! We’re the cutest couple on Earth! I Love You!

– ME

—————————————————————————————–

“Love is the magician that pulls man out of his own hat.” ~ Ben Hecht

HAPPY VALENTINE’S DAY EVERYONE!

I am on Twitter: @olops001

Advertisements

Mga Tugon

Information

3 responses

14 02 2013
182official

BOOM ! haha kulit lang nito hahah di lang kikiligin makakabasa nito hahagikgik pa sa tawa 😀

24 02 2013
potsquared

Panalo! Ang husay ng love letter na ito… Nakikinita ko ng ihahampas ito pabalik sa iyo.. Ehehehehe.. Ang galing! Ang husay mo olops!

27 02 2013
kimpoy

uyy ang ganda at sincere.
nice one brad! 😀

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s




%d bloggers like this: